Deseño valente

Que é Balandra?

Latexamos en 6/8. Galicia é o noso termómetro e a nosa despensa. Aínda que miremos en todas direccións, gústanos buscar baixo os nosos pés para achar respostas. Amamos a nosa cultura e coidamos do territorio para facer deste un país máis feliz.

Practicamos a honestidade brutal. Porque a levamos na medula e porque te queremos ben e sabemos que é moi rendible para ti.

Queremos que gañen os bos. Os que tentan deixar o mundo un pouquiño mellor do que o atoparon. Así que nos adherimos a protocolos e metodoloxías responsables e respectuosas coa contorna e con nós mesmas. Sentímonos agradecidas co pasado e debedoras do futuro.

Pensamos sen límites. Creamos sen filtros. Navegamos cada día na procura da ardora para poder ofrecerte a sempre nosa mellor versión. Ser valente é unha elección, alístate na nosa balandra.